من نسى من ؟!
صـــمت ياصمتي !
من .مِن الفرقا تأثر..!
وضاع أكثر..
وأنكسرفنجان صبحه!
وشاخ أكــثر..!
ومابقى له حلم يذّكر..
من نسى من!؟
ومن تعثر..في ظلاله..
لامشى وحده
يحتري موته لحاله!
من نسى من!
نسيتني وأنت مافارقت شرياني
وأصبحت منك وفيك بصمت منسيه!
أهديتني غربتي والقلب وحداني
من قبل أعرفك وأنا بالضيق مبليه
أدري كذبت ولويت بذكرك لساني
ولاحدٍ سألني عليك أقول موليه!
حاولت اضلل عليك بزيف نسياني
وأناأدري إن شمس حبك في الحشا حيه!
ولاأشتد عصف الجروح يكسّرأغصاني
أصدها وأنكسر قبل أرفع إيديه!
أغص فيني!!وأناأشرب لجلك أحزاني
وأقول بكره لوجهك والفرح جيه!
علمتني لاضواني ليل حرماني
أذبح قرابين صبري وأحسن النيه!
علمتني كيف ماانسى يوم تنساني
وكيف أطردغيوم صيف مالها فيه!
علمتني لادعاني الشوق وأشقاني
أحط موسه بصدري وأتبعه كيه!
علمتني لين جرحي منك أغناني
مهما تعاظم علي أقول يا حيه!
علمتني كيف ابررفيك خذلاني
وأقبّل تراب حلم عنه منفيه!
من..نفى من!
لاتفكر..!
خلني عنك بأفكر..!
وأنتظر..
يمكن تذكّر..
طفلتك من عام وأكثر
كانت تغنيك أحبك..!
كانت أصغر..وظنها أطهر
ترسمك وتضم قلبك!
وحلمها عصفورٍأخضر
يشجي الدنيا بأحبك!
وماأتذكر من من الفرقا تأثر.!
ومن نسى من..؟
نسى من.
من.!
